රාජ්‍යත‍්‍රාන්තික විදේශ මුදල් ගිණුම්/රාජ්‍යත‍්‍රාන්තික රුපියල් ඉතුරුම්

රාජ්‍ය තාන්ත‍්‍රික විදේශ ව්‍යවහාර ගිණුම් (DFA) සහ රාජ්‍ය තාන්ත‍්‍රික රුපියල් ගිණුම් (DRA) විවෘත කිරීමට සුදුසුකම්ලත් පුද්ගලයන්

• රාජ්‍ය තාන්ත‍්‍රික විදේශ ගමන් බලපත‍්‍රයක් සහ ශ‍්‍රී ලංකාවේ විදේශ කටයුතු අමාත්‍යාංශය විසින් නිකුත් කරනු ලබන රාජ්‍ය තාන්ත‍්‍රික හැඳුනුම්පතක් සහිතව සහ ආගමන හා විගමන දෙපාර්තමේන්තුව විසින් නිකුත් කරනු ලබන නේවාසික වීසා ලබා ගැනීමේ අවශ්‍යතාවයෙන් නිදහස් කරනු ලැබු යම් විදේශ පුරවැසියකු;
• රාජ්‍ය තාන්ත‍්‍රික නොවන ගමන් බලපත‍්‍රයක් සහිත සහ ආගමන විගමන දෙපාර්තමේන්තුව විසින් නේවාසික වීසා ලබා ගැනීමේ අවශ්‍යතාවයෙන් නිදහස් කරනු ලැබූ යම් විදේශ පුරවැසියෙකු;
• විදේශ දූත සේවා මෙභෙයන්, එනම්, තානාපති කාර්යාල, මහ කොමසාරිස් කාර්යාල, කොන්සල් කාර්යාල, එක්සත් ජාතීන්ගේ නිත්‍ය මෙභෙයන් සහ යුරෝපා හවුලේ නියෝජිතයන්.
• රාජ්‍ය තාන්ත‍්‍රික හෝ රාජ්‍ය තාන්ත‍්‍රික නොවන ගමන් බලපත‍්‍රයක් සහිත සහ ආගමන විගමන දෙපාර්තමේන්තුව විසින් නේවාසික වීසා ලබා ගැනීමේ අවශ්‍යතාවයෙන් නිදහස් කරනු ලැබූ රාජ්‍ය තාන්ත‍්‍රිකයකුගේ පවුලේ සාමාජිකයින්.

අවසරලත් බැර කිරීම් - රාජ්‍ය තාන්ත‍්‍රික විදේශ ව්‍යවහාර මුදල් ගිණුම් (DFA)

• බැංකු පද්ධතිය හරහා ගිණුම් හිමියාගේ නමට ශ‍්‍රී ලංකාවට පිටතින් ලැබෙන්නා වූ විදේශ විනිමය පරේෂණ.
• ශ‍්‍රී ලංකා රේගුවට ප‍්‍රකාශ කොට ගිණුම් හිමියා විසින් මෙරටට රැගෙන ආ විදේශ ව්‍යවහාර මුදල්;
• එම ගිණුම් හිමියාගේම ආමුඛ ආයෝජන ගිණුම් (IIA) හා අක්වෙරළ බැංකු ඒකකයේ පවත්වාගෙන යන ගිණුම්වලින් කරනු ලබන මාරුකිරීම්;
• ගිණුම්හිමියා පිළිබඳව නොසළකා රාජ්‍ය දූත විදේශ ව්‍යවහාර මුදල් ගිණුම් (DFA) හා රාජ්‍ය දුත රුපියල් ගිණුම්වලින් (DRA) කරනු ලබන මාරු කිරීම්;
• අදාළ ගනුදෙනු හෝ හුවමාරු කිරීම් සිදු කිරිම සඳහා මහ බැංකුව විසින් නිකුත් කළ විධානයක් මගින් අවසර ලබා දෙනු ලැබිය හැකිතාක් දුරට මහ බැංකුව විසින් කලින් කලට පවත්වාගෙන යාමට අවසර ලබා දෙනු ලැබිය හැකි වෙනත් යම් ගිණුම් වර්ගයකින් සිදු කරන ලද ගනුදෙනු හෝ හුවමාරු කිරීම්.
• ගිණුමේ රඳවන ලද අරමුදල් මත විදේශ ව්‍යවහාර මුදලින් උපයන ලද පොලිය.

අවසරලත් හර කිරිම් - රාජ්‍ය තාන්ත‍්‍රික විදේශ ව්‍යවහාර මුදල් ගිණුම් (DFA)

• ශ‍්‍රී ලංකාවෙන් පිටතට කරනු ලබන යම් ප‍්‍රතිමුඛ පරේෂණයන්;
• ගිණුම් හිමියාගේ දේශීය වියදම් සඳහා විදේශ ව්‍යවහාර මුදලින් හෝ ශ‍්‍රී ලංකා රුපියල්වලින් කරනු ලබන ආපසු ගැනීම්;
• එම ගිණුම් හිමියාගේම ආමුඛ ආයෝජන ගිණුම්වලට (IIA) සහ අක්වෙරළ බැංකු ඒකකයේ පවත්වාගෙන යන ගිණුම්වලට කරනු ලබන මාරු කිරීම්;
• ගිණුම්හිමියා පිළිබඳව නොසළකා රාජ්‍ය තාන්ත‍්‍රික විදේශ ව්‍යවහාර මුදල් ගිණුම්වලට (DFA) හා රාජ්‍ය තාන්ත‍්‍රික රුපියල් ගිණුම්වලට (DRA) කරනු ලබන මාරු කිරීම්;
• වෙනත් යම් තැනැත්තකුගේ පෞද්ගලික විදේශ ව්‍යවහාර මුදල් ගිණුම්වලට (PFCA) කරනු ලබන මාරු කිරීම්;
• අදාළ ගනුදෙනු හෝ හුවමාරුකිරිම් සිදු කිරීම සඳහා මහ බැංකුව විසින් නිකුත් කළ විධානයක් මගින් අවසර ලබා දෙනු ලැබිය හැකිතාක් දුරට මහ බැංකුව විසින් කලින් කලට පවත්වාගෙන යාමට අවසර ලබා දෙනු ලැබිය හැකි වෙනත් යම් ගිණුම් වර්ගයක් වෙත සිදු කරන ලද ගනුදෙනු හෝ හුවමාරු කිරීම්.

අවශ්‍ය ලියවිලි

රාජ්‍ය තාන්ත‍්‍රික විදේශ ව්‍යවහාර මුදල් ගිණුම් (DFA) සහ රාජ්‍ය තාන්ත‍්‍රික රුපියල් ගිණුම් (DRA) විවෘත කිරිමට ලබා දිය යුතු ලියවිලි.

• තනි පුද්ගලයින් සඳහා, ගිණුම් විවෘත කිරිමේ අයදුම්පත, වලංගු ගමන් බලපත‍්‍රයේ ජායාස්ථ පිටපතක් (ඡායාරූපය, විස්තර, වීසා සහ වෙනස්කිරිම් සඳහා පිටසන් දැක්වෙන පිටු) "ඔබගේ ගනුදෙනුකරු හඳුනාගන්න" (KYC) පෝර්මය, විදේශ ගිණුම් සඳහා බදු අයකිරිම් අනුකූලතා පනත (FATCA) ප‍්‍රකාශය සහ බැංකුව විසින් කලින් කලට නියම කරනු ලබන අනෙකුත් ලියවිලි.
• විදේශ දූත සේවා මෙභෙයන් (Diplomatic Missions) සඳහා, අදාල පරිදි ගිණුම් විවෘත කිරීමේ අයදුම්පත, "ඔබගේ ගනුදෙනුකරු හඳුනාගන්න" (KYC) පෝර්ම, විදේශ ගිණුම් සඳහා බදු අයකිරීම් අනුකූලතා පනත (FATCA) ප‍්‍රකාශය සහ බැංකුව විසින් කලින් කලට නියම කරනු ලබන අනෙකුත් ලියවිලි.
• අදාල විදේශ දූත සේවා මෙභෙයට අයත් ලිපි ශ්‍රීර්ෂයක, එම විදේශ දූත සේවා ප‍්‍රධානියාගේ හෝ බලයලත් නිලධාරියෙකුගේ අත්සන සහිත ලිපියක් සහ (DFA/DRA) ගිණුමක් විවෘත කිරිම පිණිස ඔවුන්ගේ සුදුසුකම සනාථ කිරිම පිණිස වෙනත් යම් ලියවිල්ලක්.

වැඩිදුර තොරතුරු සදහා ළඟම පිහිටි මහජන බැංකු ශාඛාව වෙත පැමිණෙන්න. නැතහොත් අප අමතන්න.