அந்தரங்கம் தொடர்பான கொள்கை
உங்கள் அந்தரங்க தன்மைக்கான எங்களது அர்ப்பணிப்பு. எங்களது வாடிக்கையாளர்களின் அந்தரங்கத் தன்மையானது மக்கள் வங்கிக்கு மிக முக்கியத்துவம் வாய்ந்த ஒன்றாகும். இக்கொள்கையானது எங்களது இணையதளத்திற்கு வருகை தரும் அல்லது எங்களது இணையவழி சேவைகளைப் பயன்படுத்தும் அனைவருக்கும் பொருந்தும். நீங்கள் எங்களுக்கு வழங்கும் அனைத்து தகவல்களின் இரகசியத்தன்மையை உறுதி செய்யும் பொருட்டு, அந்தரங்க தன்மை தொடர்பான பின்வரும் கோட்பாடுகளை நாங்கள் பேணுகின்றோம்.
நாங்கள் சேகரிக்கும் தனிப்பட்ட தகவல்களின் வகைகள்
எங்களது வாடிக்கையாளர்கள் மற்றும் நுகர்வோருடன் தொடர்புகளை மேற்கொள்ளும்போது,உங்களது நிதித் தேவைகளைப் புரிந்துகொள்வதற்கும் எங்களது வர்த்தக நடவடிக்கைகளை மேற்கொள்வதற்கும் பொருத்தமானது மற்றும் தேவையானது என நாங்கள் நம்புகின்ற தனிப்பட்ட தகவல்களைச் சேகரிக்கிறோம்.
நாங்கள் பொதுவாக மிகவும் இரகசியமான உணர்திறன் மிக்க தகவல்களை (இனத்துவத்தின் மூலம், மதம் அல்லது தத்துவ நம்பிக்கைகள், அரசியல் அல்லது தொழிற்சங்கங்களின் உறுப்பினர் அங்கத்துவம் அல்லது ஆரோக்கியம் தொடர்பான தகவல்கள் போன்றவை) சேகரிப்பதில்லை, மேலும் உங்களது சம்மதமின்றியும் அவ்வாறு செய்ய மாட்டோம்.
பாதுகாப்பு மற்றும் தகவல் இரகசியத்தன்மைக்கான உங்களது உரிமையை அங்கீகரித்தல்
உங்கள் நிதித் தீர்வு வழங்குநராக மக்கள் வங்கியைத் தேர்ந்தெடுத்ததன் மூலம்,உங்கள் நம்பிக்கையை எங்கள் மீதும் உங்கள் நிதிச் சொத்துக்களைப் பாதுகாக்கும் எங்களது திறனின் மீதும் நீங்கள் வைத்துள்ளீர்கள்.அந்த நம்பிக்கையையும், தகவல்களின் நிதி மற்றும் தனிப்பட்ட பாதுகாப்புக்கான உங்களது உரிமையையும் நாங்கள் அங்கீகரிக்கிறோம்.
நாங்கள் ஏன் தனிப்பட்ட தகவல்களைச் சேகரிக்கிறோம்
பொதுவாக, உங்களுக்கு வழங்கும் சேவைகளைச் செயல்படுத்த, நிர்வகிக்க மற்றும் மேம்படுத்த உங்களைப் பற்றிய தனிப்பட்ட தகவல்களை நாங்கள் சேகரித்து, புதுப்பித்து, பயன்படுத்துகிறோம், இதில் பின்வருவன அடங்கும்:
- வங்கிக் கணக்கு அடிப்படையிலான சேவைகள் அல்லது வசதிகளுக்கான உங்களது விண்ணப்பத்தை செயல்முறைப்படுத்துவதற்கு (உங்கள் அடையாளத்தை சரிபார்ப்பது, அறிக்கைகளைப் பெறுவது மற்றும் உங்கள் கடன் தகுதியை மதிப்பிடுவது உட்பட) மற்றும் உங்கள் கணக்கு அல்லது வசதியை நிறுவி நிர்வகிப்பதற்கும் நீங்கள் மேற்க்கொள்ள விரும்பும் கொடுக்கல் வாங்கல் பரிவர்த்தனைகளை செய்வதற்கும்.
- நீங்கள் கோரிய சேவைகளை உங்களுக்கு வழங்குவதற்கும், எங்களது சேவைகளுக்காக உங்களுக்குப் பட்டியலிடுவதற்கும் (பில் செய்வதற்கும்) மற்றும் நிலுவையிலுள்ள ஏதேனும் கொடுப்பனவுகளைச் சேகரிப்பதற்கும்.
- எங்களது புதிய தயாரிப்புகள் மற்றும் சேவைகள் தொடர்பான ஆராய்ச்சி மற்றும் மேம்பாட்டிற்காக.
- பயிற்சி, தரக் கட்டுப்பாடு மற்றும் சரிபார்ப்பு நோக்கங்களுக்காக (எங்களுடன் நீங்கள் மேற்கொள்ளும் தொலைபேசி மற்றும் மின்னஞ்சல் தொடர்புகளை அவ்வப்போது கண்காணிப்பது மற்றும் பதிவு செய்வது உட்பட)
- எங்களது அல்லது எங்களின் தொடர்புடைய நிறுவனத்தின் அல்லது ஒரு மூன்றாம் தரப்பினரின் சந்தைப்படுத்தல் சலுகைகளை உங்களுக்குத் தெரிவிப்பதற்கு; அச்சலுகையை வழங்கும்போது, மேலும் சந்தைப்படுத்தல் சலுகைகளைப் பெறுவதை நீங்கள் எவ்வாறு நிறுத்தலாம் என்பதை நாங்கள் உங்களுக்குத் தெரிவிப்போம்.மக்கள் வங்கி மற்றும் அதன் தொடர்புடைய நிறுவனங்களுக்கு வெளியேயுள்ள மற்றொரு நிறுவனம் இச்சலுகையில் ஈடுபட்டிருக்கும் பட்சத்தில், உங்களைப் பற்றிய தகவல்களை அந்த நிறுவனத்திற்கு நாங்கள் வழங்க மாட்டோம்.
- எங்களது சட்டப்பூர்வ கடப்பாடுகளை நிறைவேற்றுவதற்கு
நாங்கள் தகவல்களை எவ்வாறு சேகரிக்கிறோம்
பொதுவாக, நீங்கள் ஒரு தயாரிப்பு அல்லது சேவைக்கு விண்ணப்பிக்கும்போது அல்லது கோரும்போது, எங்களது சந்தைப்படுத்தல் பிரச்சாரங்கள், போட்டிகள் அல்லது கருத்துக்கணிப்புகளில் பங்கேற்கும் போது, எங்களது விளம்பரங்கள் அல்லது நேரடி அஞ்சல்களுக்குப் பதிலளிக்கும்போது அல்லது எங்களுடன் பிற தொடர்புகளைக் கொள்ளும் சூழல்களில் உங்களிடமிருந்து நேரடியாகவே தனிப்பட்ட தகவல்களை நாங்கள் சேகரிக்கிறோம். அத்தகவல்களை தொலைபேசி அல்லது இணையம் மூலமாகவோ, நேரில் (நீங்கள் ஒரு மக்கள் வங்கி கிளைக்கு அல்லது தொடர்புடைய முகவர் மூலமாக வருகை தரும்போது) அல்லது நீங்கள் எங்களுக்கு எழுத்துப்பூர்வமாக அறிவிக்கும்போது நாங்கள் சேகரிக்கலாம்.
பின்வரும் மூன்றாம் தரப்பினர் மூலமாகவும் நாங்கள் தனிப்பட்ட தகவல்களைச் சேகரிக்கலாம்:
- பரிந்துரையாளர்கள் (உங்களைப் பற்றிய ஒரு சான்றை வழங்கக்கூடிய ஒருவரின் பெயரை நீங்கள் எங்களுக்கு வழங்கும் பட்சத்தில்)
- பொதுவெளியில் கிடைக்கக்கூடிய தகவல் ஆதாரங்கள்.
- கடன் தகவல் பணியகம் (Credit Information Bureau)
- இணையதள பயன்பாட்டின் வழியாக
எங்களது இணையதளத்திற்கு வருகை தரும் ஒவ்வொரு பார்வையாளருக்கும், எங்களது இணைய சேவையகம் (web server) நுகர்வோரின் இணையதள பெயர் (domain name ) மற்றும் மின்னஞ்சல் முகவரியை (முடியுமான சந்தர்ப்பங்களில்) தானாகவே அடையாளம் கண்டு கொள்கிறது. பயனர்கள் அணுகிய தனிப்பட்ட பக்கங்களின் ஒட்டுமொத்த தகவல்களைச் சேகரிக்கவும், குறிப்பிட்ட பக்கங்களில் செலவிட்ட சராசரி நேரம், ஒரு பயனர் மீண்டும் வரும்போது அவரை அடையாளம் காணுதல் போன்றவற்றுக்காக 'குக்கீகள்' (cookies) எனப்படும் தொழில்நுட்பம் பயன்படுத்தப்படலாம்.
நாங்கள் தகவல்களை எவ்வாறு சேமிக்கிறோம்
பாதுகாப்பான கணினி சேமிப்பக வசதிகள், காகித அடிப்படையிலான கோப்புகள் மற்றும் பிற பதிவுகளின் மூலமாக தனிப்பட்ட தகவல்களை நாங்கள் சேமித்து வைக்கிறோம்.நாங்கள் கைவசம் வைத்துள்ள தனிப்பட்ட தகவல்களைத் தவறாகப் பயன்படுத்துதல், இழப்பு மற்றும் அங்கீகரிக்கப்படாத அணுகல், மாற்றம் செய்தல் அல்லது வெளிப்படுத்துதல் ஆகியவற்றிலிருந்து பாதுகாப்பதற்காக பல நடவடிக்கைகளை எடுத்துள்ளோம். பொதுவாக ஏற்றுக் கொள்ளப்பட்ட தொழில்நுட்பம் மற்றும் பாதுகாப்பினை நாங்கள் பயன்படுத்துகிறோம், இதன் மூலம் இணையம் அல்லது பிற மின்னணு சாதனங்கள் வாயிலாக உங்கள் தகவல்கள் எங்களுக்குப் பாதுகாப்பாக மாற்றப்படுவதை நாங்கள் உறுதி செய்கிறோம். தகவல்கள் எங்களுக்கு இனி தேவைப்படாதபோது,அவற்றை பாதுகாப்பான முறையில் அழிப்பதற்கோ அல்லது நிரந்தரமாக அடையாளம் காண முடியாதவாறு மாற்றுவதற்கோ நாங்கள் நியாயமான நடவடிக்கைகளை எடுப்போம்.
மேலும், தனிப்பட்ட தரவுகள் தேவைக்கு அதிகமான காலம் வைத்திருக்கப்பட மாட்டாது என்பதை உறுதிப்படுத்தவும், தனிப்பட்ட முறையில் அடையாளம் காணக்கூடிய தகவல்களைத் தக்கவைப்பது தொடர்பான அனைத்துப் பொருந்தக்கூடிய சட்டப்பூர்வ மற்றும் ஒழுங்குமுறைத் தேவைகளுக்கு வங்கி இணங்குவதை உறுதிப்படுத்தவும் தேவையான அனைத்து நடவடிக்கைகளையும் நாங்கள் எடுப்போம்.
நாங்கள் எப்போது உங்களது தனிப்பட்ட தகவல்களை வெளிப்படுத்தலாம்
வாடிக்கையாளர்கள் தொடர்பாக எங்களிடம் உள்ள தகவல்கள் இரகசியமாகப் பேணப்படும், எனினும், கீழே குறிப்பிடப்பட்டுள்ள நோக்கங்களுக்காக அத்தகைய தகவல்களை நாங்கள் பின்வரும் தரப்பினருக்கு வழங்கலாம்.
- ஆதரவுச் சேவைகளை எங்களுக்கு வழங்குவதற்காக நாம் ஒரு வெளிவாரி நிறுவனத்துடன் ஒப்பந்தம் செய்து கொள்ளும் பட்சத்தில். இதில் விண்ணப்பங்கள் அல்லது கட்டளைகளைச் செயலாக்குதல், சந்தைப்படுத்தல் ஆதரவு, விநியோகங்கள், சந்தை ஆராய்ச்சி மற்றும் கடன் வசூலிப்பு ஆகியன உள்ளடங்கலாம், ஆனால் இவை மாத்திரம் என்று வரையறுக்கப்படவில்லை. இந்தச் சேவை வழங்குநர்கள் இலங்கைக்குள்ளேயோ அல்லது இலங்கைக்கு வெளியேயோ இருக்கலாம்.
- எங்களது சட்ட மற்றும் ஒழுங்குமுறை சார் கடப்பாடுகளுக்கு இணங்குவதற்கு
- சட்டவிரோதமான செயற்பாடுகள் மேற்கொள்ளப்பட்டிருப்பதாக அல்லது மேற்கொள்ளப்படலாம் என நாம் சந்தேகிக்கின்றவிடத்து மற்றும் அதுகுறித்த புலனாய்விற்கு அல்லது அது தொடர்பான விடயத்தை அவசியமான அதிகாரிகளுக்கு அறிக்கை செய்வதற்கு உங்களது தனிப்பட்ட தகவல்கள் அவசியம் என கருதும் பட்சத்தில். பின்வரும் சூழ்நிலைகளிலும் உங்களது தனிப்பட்ட தகவல்களை நாம் வெளிப்படுத்தலாம். நீங்கள் ஒரு நிறுவன அல்லது அரசாங்க அட்டை அங்கத்துவத்தைக் கொண்டிருப்பின் , உங்களது தொழில் வழங்குனர் அல்லது அரசாங்க நிறுவனத்துடன் நாம் தனிப்பட்ட தகவல்களைப் பரிமாறிக்கொள்ளலாம்.
- நீங்கள் கோரும் தயாரிப்புகள் மற்றும் சேவைகளை உங்களுக்கு வழங்குவதற்கும், வங்கியின் ஏனைய தயாரிப்புகள் மற்றும் சேவைகள் பற்றி உங்களுக்குத் தெரிவிப்பதற்கும் எங்களுடன் தொடர்புடைய நிறுவனங்களுக்கு வழங்கலாம்.
- உங்களுக்கு நாம் கடனுதவி வழங்குவது அல்லது எங்களுடன் நீங்கள் செய்து கொண்டுள்ள எந்தவொரு ஒப்பந்தத்தின் கீழும் நீங்கள் செலுத்த வேண்டியுள்ள தொகைகளை உங்களிடமிருந்து வசூலிப்பது ஆகியன தொடர்பில் , கடன் தகவல் வழங்கும் முகவர் நிறுவனங்களுக்கு. அனைத்து மூன்றாம் தரப்பினரும் தனிப்பட்ட தகவல்களை எவ்வாறு கையாள்கிறார்கள் என்பது குறித்து, பாதுகாப்பு மற்றும் இரகசியத்தன்மையின் கடுமையான தேவைகளை நாம் அவர்கள் மீது விதிக்கின்றோம். எங்களது வெளிவாரி ஒப்பந்தக்காரர்களுக்கு அவர்கள் தங்களது சேவைகளை ஆற்றுவதற்குத் தேவையான தகவல்களை மட்டுமே நாம் வழங்குகிறோம்; அத்துடன் எமக்கு அந்தச் சேவையை வழங்குவதைத் தவிர, வேறு எந்தவொரு நோக்கத்திற்காகவும் அத்தகவல்களைப் பயன்படுத்துவதற்கு அவர்களுக்கு அனுமதி வழங்கப்படுவதில்லை.
- வங்கி உங்கள் கோரிக்கைகளான ‘வங்கி உங்கள் வாசற்படியில்', வெளிநாட்டு நாணய மாற்று, நிர்வகிக்கப்படும் நிதி முதலீடு மற்றும் ஏனைய சேவைகளை உங்களுக்கு வழங்கும் போது. அவற்றை நிறைவேற்றுவதற்காக, நாம் வெளிவாரிப் பணியாளர்களைப் பயன்படுத்தும் போது.
- காலத்திற்குக் காலம் தகவல்களை வெளிப்படுத்துவதற்கு உங்களால் அங்கீகரிக்கப்படும் வேறு எவருக்கும்.
- எங்களது நடைமுறையிலுள்ள தரவுப் பாதுகாப்பு மற்றும் அந்தரங்கக் கொள்கையை எந்தவொரு நேரத்திலும் திருத்துவதற்கான உரிமையை நாம் கொண்டுள்ளோம் என்பதுடன், அத்தகைய திருத்தங்கள் எவற்றையும் எங்களது நிறுவன இணையதளத்தில் இடுவோம்.
எங்களது இணையதளம்
மக்கள் வங்கியின் நிறுவன இணையதளத்தில் காட்டப்பட்டுள்ளவாறு , பல்வேறு வகையான வங்கித்தொழில் மற்றும் ஏனைய நிதிச் சேவைகள் வங்கியினால் வழங்கப்படுகின்றது.
இணையவழிப் பாதுகாப்பு
ஒரு வலுவான பாதுகாப்புச் சூழலை வழங்குவதற்காக, நாம் பல்வேறு நடைமுறைகளையும் கொள்கைகளையும் கொண்டுள்ளோம். இந்த நடவடிக்கைகளைத் தொடர்ச்சியாக மீளாய்வு செய்வதன் மூலம், அவற்றின் தற்போதைய போதுமான தன்மையை நாம் உறுதிப்படுத்துகிறோம்.
எங்களது இணையவழிப் பாதுகாப்பு நடவடிக்கைகள் பின்வருவனவற்றை உள்ளடக்குகின்றன, எனினும் இவை அவற்றுக்கு மாத்திரம் மட்டுப்படுத்தப்பட்டவையல்ல:
- இணையப் பரிவர்த்தனைகளின் போது உங்களது கணினியிலிருந்து எங்களது அமைப்புகளுக்கு அனுப்பப்படும் தரவுகளையும், வலையமைப்புகளினூடாகக் கடத்தப்படும் வாடிக்கையாளர் அணுகல் குறியீடுகளையும் (இரு காரணி அங்கீகாரம்) குறியாக்கமாக்கல் (Encrypting data).
- அனுமதியற்ற நபர்கள் மற்றும் வைரஸ்கள் எங்களது அமைப்புகளுக்குள் நுழைவதிலிருந்து பாதுகாப்பதற்காக, பயர்வோல்கள் (தீச்சுவர்கள்), ஊடுருவல் கண்டறிதல் அமைப்புகள் மற்றும் வைரஸ் ஸ்கேனிங் கருவிகளைப் பயன்படுத்துதல்.
- தரவுகளைப் பாதுகாப்பதற்காக, இணையத்தில் குறியாக்கமாக்கலுக்கான ஒரு தொழில்துறைத் தரநிலையான 'செக்யூர் சாக்கெட் லேயர்' (SSL) நெறிமுறை மற்றும் 256 பிட் குறியாக்க தொழில்நுட்பம் ஆகியவற்றின் பயன்பாட்டிற்கு எங்களது இணையதளத்தின் பாதுகாப்பான பகுதி ஆதரவளிக்கிறது.
நினைவகத் துண்டுகள் (Cookies)
- ஒரு 'குக்கீ' (நினைவகத் துண்டு) என்பது, சேவையகம் (இணையதளத்தைக் கொண்டுள்ள கணினி) உங்களது கணினியை அடையாளம் காண்பதற்கும், அதனுடன் மிகவும் திறம்பட தொடர்பு கொள்வதற்கும் அனுமதிக்கும் ஒரு தகவல் தொகுப்பாகும்.
- நீங்கள் எங்களது இணையதளங்களில் ஒன்றைப் பயன்படுத்தும் போது, உங்களுக்கு ஒரு தனித்துவமான அடையாள எண்ணை வழங்கும் குக்கீ (நினைவகத் துண்டு) ஒன்றை நாங்கள் அனுப்புகிறோம். நீங்கள் எங்களது இணையதளங்களைப் பயன்படுத்தும் ஒவ்வொரு முறையும் ஒரு வெவ்வேறான அடையாள எண் அனுப்பப்படும். குக்கீகள் தனிப்பட்ட பயனர்களை அடையாளம் காண்பதில்லை, இருப்பினும் அவை ஒரு பயனரின் உலாவியின் (Browser) வகை மற்றும் உங்களது இணைய சேவை வழங்குநரை (ISP) அடையாளம் காண்கின்றன.
- அனைத்து குக்கீகளையும் ஏற்றுக்கொள்வதற்கோ, அனைத்து குக்கீகளையும் நிராகரிப்பதற்கோ அல்லது ஒரு குக்கீ அனுப்பப்படும் போது உங்களுக்கு அறிவிப்பதற்கோ ஏதுவாக உங்களது உலாவியை நீங்கள் உள்ளமைக்க முடியும். இந்தச் செயல்பாடுகளைப் பற்றி மேலும் அறிந்துகொள்ள,உங்களது உலாவியின் அறிவுறுத்தல்கள் அல்லது உதவித் திரைகளைப் பார்க்கவும். நீங்கள் அனைத்து குக்கீகளையும் நிராகரித்தால், எங்களது இணையதளங்களை உங்களால் பயன்படுத்த முடியாமல் போகலாம்.
