ඉසුරු උදාන

ඉසුරු උදාන යනු උපතේ සිට අවුරුදු 5 දක්වා දරුවන් වෙනුවෙන්ම හඳුන්වා දී ඇති ඉතුරුම් ගිණුමකි. දිවයින පුරා විසිරුණු ඕනෑම මහජන බැංකු ශාඛාවකදී, රු. 100 ක අවම තැන්පතුවක් සමගින් මෙම ගිණුමක් විවෘත කළ හැකි වේ. උපතේ සිට පාසල් යන වයස දක්වා වන දරුවන් වෙනුවෙන් පළමු මූලික තැන්පතු, දැනටමත් පාසල් යන දරුවන් වෙනුවෙන් පළමු රු. 250 ද බැංකුව විසින් තැන්පත් කරනු ලබනු ඇත.
මෙම ගිණුමෙහි විශේෂත්වයන් වන්නේ 'ඉසුරු උදාන' තෑගි වවුචර ලබාගත හැකි වීම සහ දරුවාගේ වර්ධනයට සහ අධ්‍යාපනයට වැදගත් වන ත්‍යාග පිරිනැමීමයි. රු. 200, 500, 1000, 2000, 5000 හෝ 10000 වටිනාකම්වලින් යුත් තෑගි වවුචර ඕනෑම මහජන බැංකු ශාඛාවකින් මිලදීගත හැකි අතර අලුතින් ඉසුරු උදාන ගිණුමක් ආරම්භ කිරීමට හෝ පවතින ගිණුමකට මුදල් බැර කිරීම සඳහා ඒවා භාවිතා කළ හැකි වේ.
දරුවාට වයස අවුරුදු 6 පිරුණු පසුව මෙම ගිණුම ස්වයංක්‍රීයව සිසු උදාන ගිණුමක් බවට පරිවර්තනය වේ.

සිසු උදාන

දරුවන් තුළ ඉතිරි කිරීමේ පුරුද්ද ඇති කරමින් ඔවුන්ට දීප්තිමත් අනාගතයකට දොරටු විවර කර දීම සිසු උදාන ගිණුමේ ඉලක්කය වේ. දරුවාට දැනටමත් ගිණුමක් නොමැති නම් මහජන බැංකුව රු. 250 ක තැන්පතුවක් සමගින් දරුවා වෙනුවෙන් ගිණුමක් ආරම්භ කරන අතර ඉන් අනතුරුව ගිණුමේ ශේෂය වැඩිවීමත් සමග දරුවාට ප්‍රතිලාභ රැසක් හිමිවනු ඇත. දිවයින පුරා විසිරුණු ඕනෑම මහජන බැංකු ශාඛාවකදී සිසු උදාන ගිණුමක් ආරම්භ කළ හැකි වේ.
මේ වනවිට දිවයිනේ පාසල් රැසක සිසු උදාන ඉතුරුම් ඒකක පිහිටුවා ඇති අතර ඒවායේ බැංකු කටයුතු සිදුකරනු ලබන්නේ එම පාසල්වල සිසු සිසුවියන් විසින්ම ය. මෙය දරුවන් ඉතිරි කිරීමට පොළඹවන අතරම කුඩා අවධියේ සිටම දරුවන්ට බැංකු සේවා අත්දැකීම් ලබාදෙන පියවරකි. මෙම ඉතුරුම් ඒකක වලදී සිසුන්ට සිසු උදාන ගිණුම් විවෘත කළ හැකි අතර ඉන් අනතුරුව තමන් කැමති ආකාරයට ඒවායේ මුදල් තැන්පත් කළ හැකි වේ.
රුවාට වයස අවුරුදු 18 පිරුණු විට සිසු උදාන ගිණුම ස්වයංක්‍රීය YES ගිණුමක් බවට පරිවර්තනය වේ.