stored_value_cards_sinhala

People’s Bank Transit Card

මහජන බැංකුවේ Transit Card යනු පහසුවෙන් ගමන්බිමන් වල යෙදීමට හැකිවන අයුරින් දිවයින පුරා මහජන බැංකු මුදල් තැන්පතු යන්ත‍්‍ර(CDMs) හරහා කරදරයෙන් තොර ටොප්-අප් සේවාවක් සමඟින් නිර්මාණය කරන ලද ශ‍්‍රී ලංකාවේ පළමු ඩෙබිට් කාඞ්පතයි. LankaPay-JCB වැඩසටහන යටතේ නිකුත් කරනු ලබන මෙම Transit card සාමාන්‍ය ඩෙබිට් කාඞ්පතක් ලෙස වෙනත් ගෙවීම් කිරීමට හෝ මුදල් ලබා ගැනීමට ද භාවිතා කළ හැක.

කාඩ් වර්ගය

මහජන බැංකු Transit Card සඳහා අයදුම් කරන්නේ කෙසේද?

මහජන බැංකු ගිණුම් හිමියන් -

පහත සඳහන් ඕනෑම මහජන බැංකු ශාඛාවකින් Transit Card ලබා ගත හැක. කාඞ්පත ඔබගේ පවතින මහජන බැංකුවේ ඉතුරුම්/ජංගම ගිණුමට යා කෙරෙන අතර එය සාමාන්‍ය ඩෙබිට් කාඞ්පතක් ලෙස භාවිත කළ හැක.

ගිණුම් හිමියන් නොවන -

ඔබට මහජන බැංකුවේ ගිණුමක් නොමැති නම්, Transit Card භාවිතා කළ හැක්කේ සංක‍්‍රමණ කාඞ්පතක් ලෙස පමණි.

විශේෂාංග

උපරිම ටොප්-අප් සීමාව : රු. 10,000/*

කාඞ්පතක් සඳහා උපරිම ගනුදෙනු සීමාව : රු. 4,000/*

මූලික ප‍්‍රතිලාභ :

ගමන්බිමන් සඳහා සංක‍්‍රමණ (Transit) කාඞ්පතක් ලෙස භාවිතා කළ හැක.
ATM හෝ POS යන්ත‍්‍රවල භාවිත කළ හැකි සාමාන්‍ය ඩෙබිට් කාඞ්පතක් ලෙස ක‍්‍රියා කරයි.
මුල් කාඞ්පත නිකුත් කිරීමට ගාස්තු අය නොකෙරේ.*
(වෙනත් බැංකු ATM යන්ත‍්‍ර සඳහා ) රු. 15ක අඩුම ATM මුදල් ආපසු ගැනීමේ ගාස්තුව.
දිවයින පුරා ඕනෑම මහජන බැංකු මුදල් තැන්පතු යන්ත‍්‍රයක් (CDMs) භාවිතයෙන් කාඞ්පත් ටොප්-අප් කළ හැක.

People’s Transit Card භාවිතා කිරීම ආරම්භ කරන්නේ කෙසේද?

පාරිභෝගිකයා මහජන බැංකුවේ මුදල් තැන්පතු යන්ත‍්‍ර (CDM)හරහා Transit Card ටොප්-අප් කරගත යුතුය.
ATM/POS ගනුදෙනු සාමාන්‍ය ඩෙබිට් කාඞ්පත් මෙන් ම සම්පූර්ණ කෙරේ.
ප‍්‍රවාහනයට අදාළ ගනුදෙනු සම්පූර්ණ කළ හැක්කේ tap & go/contactless ක‍්‍රමයෙන් පමණි.
ආරම්භක අදියරේදී පාරිභෝගිකයින්ට අධිවේගී මාර්ග බස් ටිකට්පත් මිලදී ගැනීමට මෙම කාඞ්පත භාවිතා කළ හැක.